باسيل يعلن التحالف الانتخابي مع الحزب: بدن يخنقونا و يعزلونا والحزب مد لنا إيده
أعلن رئيس التيار الوطني الحر جبران باسيل عن التحالف الانتخابي مع حزب الله وقال : بدّن يخنقونا ويعزلونا، بس نحنا منتنفس حريّة وبقوّتنا وبتحالفنا رح ننجح.
وقال باسيل عن التحالفات : يلّي مدّ النا ايده للتحالف الانتخابي هو حزب الله متل ما نحنا مدّينا له ايدنا بـ 6 شباط 2006 لمّا حاولوا عزله.
وتابع باسيل : نحنا منا جزء من أي اكثرية، ومختلفين عن بعضنا ومش مقتنعين بسلوك بعضنا، ومنعتبر بعضنا مسؤول عن العرقلة والانهيار، بس انتبهوا! الاختلاف ما بيودّي على التقسيم ولا على الحرب وهيدي ضريبة المحافظة على وحدة الوطن
مع كهرباء بلاعجز وبلا سرقة وبلا هدر. مع سدود بتحفظ مياه لبنان… مع نفطنا وغازنا وحقوقنا وحدودنا رح نبقى… مع بيئة نضيفة، لا نفايات ولا جبال محفّرة ولا بحر ملوّث…مع اتصالات حديثة ورخيصة… مع التفاهمات الوطنية وضد الصفقات رح نبقى…مع الثورة الصادقة وبقلبها رح نبقى
— Gebran Bassil (@Gebran_Bassil) March 13, 2022
مع لبنان مشرقي عربي ومنفتح ومع مشرقية اقتصادية.مع تحييد لبنان ومنع التوطين وعودة النازحين رح نبقى
— Gebran Bassil (@Gebran_Bassil) March 13, 2022
مع التدقيق الجنائي بمصرف لبنان وبكل الدولة، وبلشوا يا جبناء بوزارة الطاقة… رح نبقى… مع الكابيتال كونترول واستعادة الأموال وكشف الحسابات والأملاك كنّا ورح نبقى… مع التعافي المالي وهيكلة القطاع المصرفي واصلاح مالية الدولة… مع الصندوق السيادي واستثمار املاك الدولة
— Gebran Bassil (@Gebran_Bassil) March 13, 2022
مع الحرية والسيادة والاستقلال، رح نبقى هون.مع تطوير النظام والدولة المدنية واللامركزية الموّسعة…مع الاستراتيجية الدفاعية وحفظ قوّة لبنان وقرار الدولة المركزي…مع الشراكة الوطنية المتناصفة والتمثيل الصحيح المتوازن…مع الرئيس القوي وصلاحيّاته والعهد القوي وتفاهماته رح نبقى هون
— Gebran Bassil (@Gebran_Bassil) March 13, 2022
